Католичките верници во Струмица го прославија Велигден

Католичките верници се собраа во катедралната црква „Успение на пресвета Богородица“ во Струмица на свечена литургија за да го прослават големиот христијански празник Велигден. Со мисата чиноначалствуваше бискипот Киро Стојанов, кој го нагласи големото значење на жртвата која Синот Божји ја дал за човештвото.

– Што ни значи овој наш собир на оваа света литургија? Ни значи многу. Дали сме подготвени сега да ја отвориме секоја клетка на нашето срце, на нашата совест и на нашиот дух и да ѕирнеме какво се незнаење, несогласување дури и гревови има покриено, наталожено во длабочината на нашето Јас, рече бискупот Стојанов.

Посочи дека единствено Бог може да продре и да ја прочита секоја мисла и емоција во човечкиот ум и срце.

– Тој го гледа она од што ние самите понекогаш може да се посрамиме. Да го замолиме светиот дух кој ќе слезе на олтарот и ќе го направи виното – крвта Исусова, а лебот – телото негово да го осветли нашето битие. Ако на неговите ученици им требло 50 дена да поверуваат за воскресенито на Исус, колку време нам ни е потребно да поверуваме дека Христос е жив и воскресна над нашите олтари,  рече Стојанов.

маркетинг


Select
Ознаки: , ,